वीरगन्ज । अपहरण गरी फिरौती मागेको आरोपमा पर्सा प्रहरीले पत्रकारसहित दुई जनालाई पक्राउ गरेको छ ।

अपहरण गरी दुई लाख फिरौती मागेको आरोपमा जिल्ला प्रहरी कार्यालय खतिजा प्रहरीको विशेष टोलीले दुई जनालाई पक्राउ गरेको छ ।

प्रहरी स्रोतका अनुसार अपहरण गरी फिरौती मागेको आरोपमा पत्रकार हरिशङ्कर शर्मा र वीरगन्ज इनरवाका सुरेश दसलाई पक्राउ परेका हुन् ।

पर्सा प्रहरीका एक अधिकृतले भने, ‘रौतहटकाका एक युवकलाई केही व्यक्तिले अपहरण गरेका थिए, उनको मोटरसाइकल पनि नियन्त्रणमा लिएको थियो । पत्रकार शर्माले आज अपहरणमा परेका परिवारसँग मोटरसाइकल छाड्नका लागि ५० हजार लिएर अपहरणमा परेका व्यक्तिलाई हिरासतमा लिएको छ भने लगत्तै अर्का एक जना पनि पक्राउ परेका छन् ।

अपहरणमा परेका व्यक्तिको बारेमा अहिले अनुसन्धान भइरहेको र खुलाउन नसकिने पर्सा प्रहरीले जनाएको छ ।

पक्राउ परेका पत्रकार शर्मासँग जिल्ला प्रहरी कार्यालय दशलाइमा थप अनुसन्धान भइरहेको छ ।