गाँजा बोकेको गाडी प्रहरीले बरामद गरेको छ। सोमबार राति धनकुटाको छिन्ताङबाट गाँजा लोड गरेर धरानतर्फ झरेको को १ च ७६८९ नम्बरको स्कारपियो गाडी इलाका प्रहरी कार्यालय धरानको टोलीले तरहरा जंगलबाट पक्राउ गरेको हो । तिब्र गतिमा रहेको गाडीलाई धरानमा पक्राउ गर्न नसकेपनि पछ्याउनेक्रममा तरहरा जंगलमा पक्राउ गरेको धरानका डीएसपी प्रकास जबेगु  बताए । प्रहरीले गाडीलाई ओभरटेक गरि छेकेपछि गाँजा ओसारपसार गर्ने चालक जंगलतर्फ भागेका कारण पक्राउ गर्न नसकिएको उनले बताए । उक्त गाडिमा कालो प्लाष्टिकभित्र राखेको ३ सय केजी रहेको १० पोका गाँजा बरामद गरिएको छ।

गाँजा ओसारपसार गर्ने चालकको पहिचान भइसकेकाले उनको खोजी कार्य भइरहेको सुनसरीका प्रहरी प्रमुख एसपी सुमनकुमार तिम्सिनाले बताए । बरामद गरिएको गाँजा र गाडी आवश्यक कारबाहीका लागि ईलाका प्रहरी कार्यालय इटहरीमा राखिएको उनले जानकारी दिए।