वीरगञ्ज, ७ माघ ।  वीरगञ्जमा आज कल्चर डान्स ग्यालरीको आयोजना हुँदैछ । वीरगञ्ज सिटी रोयल युथ क्लबको आयोजनामा आज अपरान्ह ३ बजेदेखि वीरगञ्जको टाउन हल (नगर–सभा गृह) मा कल्चर डान्स ग्यालरीको आयोजना हुन लागेको हो । 

होली, छठ, डण्डीया, झिझीया, थारु लगायतका फरक फरक समुदायका नृत्यहरु एउटै मञ्चमा देखाउने अभिप्रायले कल्चर डान्स ग्यालरीको क्लबका मुन्ना महतोले जानकारी दिए । 

कार्यक्रममा भारतीय चर्चीत डान्स रियालिटी शो ‘डान्स प्लस सिजन ४’ का उपविजेता सुजन मार्पा तामाङ्को बेजोड प्रस्तुती हेर्न सकिने क्लबका बृज गिरीले बताए । यसका साथै लोकप्रिय भोजपुरी गायक सुनिल पण्डित, गायक मन्दिप खड्का, सद्धाम हुसैन लगायतको प्रस्तुती कार्यक्रममा रहनेछ । 

विभिन्न स्कुल तथा कलेजका विद्यार्थीसँगै स्थानीय कलाकारहरुको आकर्षक प्रस्तुती रहने आयोजकको भनाई छ ।