बीरगंज, पर्सा ३ माघ 
बीरगंज महानगरपालिका वडा नं. २९ अन्तर्गत बसडिल्वामा दलित समुदायको बहुप्रतीक्षित सामुदायिक भवनको शिलान्यास समारोह भव्य रूपमा सम्पन्न भएको छ। यस कार्यक्रममा महानगरपालिकाका मेयर राजेशमान सिंह, महानगरका प्रमुख प्रशासकीय अधिकृत अरविन्दलाल कर्ण, वडा नं. २९ का वडा अध्यक्ष, वडा सदस्यहरू, स्थानीय नेता तथा सर्वसाधारणको उल्लेखनीय उपस्थिति रहेको थियो।

बसडिल्वामा निर्माण हुन लागेको यो सामुदायिक भवन दलित समुदायको लागि विशेष रूपमा समर्पित रहनेछ। स्थानीय समुदायको सामाजिक, सांस्कृतिक तथा शैक्षिक गतिविधिहरू सञ्चालन गर्नका लागि यो भवन निकै उपयोगी हुने अपेक्षा गरिएको छ। समुदायका अगुवाहरूका अनुसार, दलित समुदायको समग्र विकास र सशक्तिकरणका लागि यो भवन मीलको ढुंगा सावित हुनेछ।

शिलान्यास समारोह परम्परागत विधिपूर्वक सम्पन्न गरियो। कार्यक्रममा बोल्दै मेयर राजेशमान सिंहले भने, “समुदायको विकासमा महानगरपालिका प्रतिबद्ध छ। यस भवनले दलित समुदायलाई संगठित रूपमा अघि बढ्न टेवा पुर्‍याउनेछ। शिक्षा, रोजगार, सीप विकास तथा सामाजिक गतिविधिका लागि यो भवन अत्यन्तै उपयोगी हुनेछ।”

वडा अध्यक्ष तथा स्थानीय नेताहरूले पनि यो भवनले दलित समुदायको पहिचान र आत्मनिर्भरता अभिवृद्धि गर्न सघाउने धारणा राखे। उनीहरूले महानगरपालिकालाई धन्यवाद दिंदै भवन समयमै पूरा गर्न सहयोग गरिने बताए।

शिलान्यास कार्यक्रममा स्थानीय बासिन्दाहरूको उल्लेखनीय उपस्थिति रहेको थियो। उनीहरूले भवन निर्माणले दलित समुदायको शैक्षिक तथा सामाजिक उत्थानमा महत्त्वपूर्ण योगदान पुर्‍याउने विश्वास व्यक्त गरे। एक स्थानीय बासिन्दाले भने, “यो भवनले हाम्रो समुदायलाई संगठित बनाउनेछ। अब हामीले आफ्ना सामाजिक तथा सांस्कृतिक कार्यक्रमहरू संचालन गर्न छुट्टै स्थान पाउनेछौं।”

महानगरपालिकाका प्रमुख प्रशासकीय अधिकृत अरविन्दलाल कर्णका अनुसार, भवन निर्माणका लागि आवश्यक बजेट छुट्याइएको छ र छिट्टै निर्माण कार्य अघि बढाइनेछ। 

यो भवन निर्माणपछि दलित समुदायका व्यक्तिहरूलाई विभिन्न अवसरहरू प्राप्त हुनेछन्। स्थानीय युवाहरूका लागि विभिन्न सीप विकास तथा प्रशिक्षण कार्यक्रम सञ्चालन गर्न सकिनेछ। साथै, समुदायका सदस्यहरूले आफ्ना महत्वपूर्ण बैठक तथा सामुदायिक गतिविधि सहज रूपमा गर्न सक्नेछन्।

शिलान्यास कार्यक्रमको अन्त्यमा दलित समुदायका अगुवाहरूले महानगरपालिकालाई धन्यवाद ज्ञापन गर्दै भवनको निर्माण कार्य समयमै सम्पन्न गर्न आग्रह गरे। कार्यक्रम धार्मिक अनुष्ठान, पूजापाठका सम्पन्न भएको थियो।