वीरगञ्ज, ५ कार्तिक । हरेक वर्ष कार्तिक कृष्ण त्रयोदशीका दिन मनाइने धनतेरस पर्व आज (शनिबार) मनाइँदै छ । धनवन्तरी जयन्ती भने भोलि (कात्तिक ६ गते) आइतबार परेको छ ।

यो दिनलाई कुबेरको दिनका रुपमा पनि मानिन्छ । धन सम्पन्नताका लागि कुवेरको पूजा गर्ने गरिएको छ । यस दिन मानिसले मूल्यवान् धातुका साथमा नयाँ भाँडा र गरगहना किन्ने गर्छन् ।

तिथिको घटबढका कारण पर्सि (सोमबार) कुकुर तिहार र लक्ष्मीपूजा एकै दिन परेको पञ्चाङ्ग निर्णायक समितिले जनाएको छ ।